Kilinochchi NET

என்னப்பா விக்னேஷ் சிவன் நயன்தாராவை இப்படி ஏமாத்திட்டாரா? நடந்தது என்ன

காத்து வாக்குல ரெண்டு காதல் படத்தின் ஃபர்ஸ்ட் லுக் போஸ்டரை பார்த்த நயன்தாரா ரசிகர்கள் ஏமாற்றம் அடைந்திருக்கிறார்கள்.

விக்னேஷ் சிவன் இயக்கத்தில் விஜய் சேதுபதி, நயன்தாரா, சமந்தா உள்ளிட்டோர் நடித்திருக்கும் காத்து வாக்குல ரெண்டு காதல் படத்தின் ஃபர்ஸ்ட் லுக் போஸ்டர் நவம்பர் 15ம் தேதி காலை வெளியிடப்படும் என்று அறிவித்தார்கள்.

நயன்தாராவை போஸ்டரில் பார்க்க ரசிகர்கள் ஆவலுடன் காத்திருந்தார்கள். ஆனால் இன்று காலை வெளியான போஸ்டரில் நயன்தாரா இல்லை விஜய் சேதுபதி மட்டும் தான் இருந்தார். இரண்டாவது போஸ்டரில் சமந்தாவை அறிமுகம் செய்து வைத்தார்கள்.

அதை பார்த்த நயன்தாரா ரசிகர்கள் கூறியிருப்பதாவது,

10.08 மணிக்கு போஸ்டரை வெளியிட்டீர்கள். நேரத்தை கூட்டினால் 9 வருகிறது. ஆனால் நேரம் பார்த்து வெளியிட்ட போஸ்டரில் நயன்தாரா மட்டும் இல்லை. தலைவியை இப்படி ஏமாற்றிவிட்டீர்களே விக்னேஷ் சிவன். (தற்போது தலைப்பை மீண்டும் வாசிக்கவும்)

ஒரு காதலராக இருந்து கொண்டு நீங்களே இப்படி செய்யலாமா, இது நியாயமா அன்பான இயக்குநரே. நயன்தாராவின் கதாபாத்திரத்தை அல்லவா முதலில் அறிமுகம் செய்து வைத்திருக்க வேண்டும் என்று தெரிவித்துள்ளனர்.

விஜய் சேதுபதி, சமந்தாவை அடுத்து நயன்தாராவின் கதாபாத்திரமான கண்மணிக்கு ஒரு போஸ்டரை வெளியிட்டிருக்கிறார்கள்.

காத்து வாக்குல ரெண்டு காதல் படம் கைவிடப்பட்டது, ஓடிடியில் ரிலீஸாகிறது என்று பேச்சு கிளம்பியது. இந்நிலையில் காத்து வாக்குல ரெண்டு காதல் படம் டிசம்பர் மாதம் தியேட்டர்களில் ரிலீஸாகும் என்று அறிவித்துள்ளனர்.

நானும் ரௌடி தான் பட வெற்றிக் கூட்டணி இருப்பதால் காத்து வாக்குல ரெண்டு காதல் படமும் நிச்சயம் ஹிட்டாகும் என்று ரசிகர்கள் நம்புகிறார்கள்.