Kilinochchi NET
Kilinochchi | Kilinochchi net | Kilinochchi news | Vavuniya news | Mannar news | Sri Lanka News | World News | Sports News | Cinema News | Technology News | Education | Entertainment |

கணவரை பிரிந்த கையோடு ‘குட் நியூஸ்’ சொன்ன சமந்தா

ட்ரீம் வாரியர் பிக்சர்ஸ் நிறுவனத்தை அடுத்து ஸ்ரீதேவி மூவீஸ் நிறுவனத்தின் படத்தில் நடிக்க ஒப்பந்தமாகியிருக்கிறார் சமந்தா.ட்ரீம் வாரியர் பிக்சர்ஸ் படத்தை அடுத்து மேலும் ஒரு படத்தில் நடிக்க சம்மதம் தெரிவித்திருக்கிறார் சமந்தா.

குழந்தை பெற்றுக்கொள்ள திட்டமிட்டு நடிப்பில் இருந்து பிரேக் எடுக்க முடிவு செய்தார் சமந்தா. இதனால் அவர் புதுப்படங்களில் நடிக்க ஒப்புக்கொள்ளாமல் இருந்தார். இந்நிலையில் சமந்தாவும், அவரின் காதல் கணவரான நாக சைதன்யாவும் பிரிந்துவிட்டார்கள். இதையடுத்து மீண்டும் படங்களில் நடிக்க கதை கேட்டு வருகிறார்.

ஸ்ரீதேவி மூவீஸ் நிறுவனம் தயாரிக்கும் படத்தில் நடிக்கவிருக்கிறார் சமந்தா. தமிழ் மற்றும் தெலுங்கில் உருவாகும் அந்த படத்தை ஹரிஷ் மற்றும் ஹரி ஷங்கர் ஆகியோர் சேர்ந்து இயக்குகிறார்கள். ஹீரோயினை மையமாக வைத்து எடுக்கப்படும் அந்த படத்தின் ஷூட்டிங் நவம்பர் மாதம் துவங்குகிறது.

ட்ரீம் வாரியர் பிக்சர்ஸ் நிறுவனம் தயாரிக்கும் படத்திலும் நடிக்கிறார் சமந்தா. அந்த படமும் தமிழ் மற்றும் தெலுங்கு மொழிகளில் உருவாகிறது. இதற்கிடையே பாலிவுட் படம் ஒன்றில் நடிக்க சமந்தா சம்மதம் தெரிவித்துவிட்டதாக கூறப்படுகிறது.

அது குறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது. சமந்தாவின் அடுத்தடுத்த பட அறிவிப்புகளை பார்த்த ரசிகர்கள் இந்த குட் நியூஸ் இப்போ தைக்கு போதும் என்று சந்தோஷப்படுகிறார்கள்.

பாலிவுட் பட வாய்ப்புகள் வருவதால் சமந்தா மும்பையில் வீடு வாங்க முடிவு செய்திருக்கிறார். ஹைதராபாத்தில் தங்கினாலும் மும்பையிலும் தனக்கு ஒரு நிரந்தர முகவரி வேண்டும் என்று விரும்புகிறாராம் சமந்தா. மும்பையின் முக்கியமான இரண்டு இடங்களில் பங்களாக்கள் பார்த்து வைத்திருக்கிறார்.