Kilinochchi NET
Kilinochchi | Kilinochchi net | Kilinochchi news | Vavuniya news | Mannar news | Sri Lanka News | World News | Sports News | Cinema News | Technology News | Education | Entertainment |

30ம் திகதிக்கு பின்னரும் தொடருமா ஊரடங்கு : இராஜாங்க அமைச்சர் வெளியிட்ட கருத்து

30ம் திகதிக்கு பின்னரும் தொடருமா ஊரடங்கு : இராஜாங்க அமைச்சர் வெளியிட்ட கருத்து

நாட்டை தொடர்ந்தும் முடக்கி வைக்க முடியாதெனவும், ஆகையினால் எதிர்வரும் 30ம் திகதி நாடு மீண்டும் திறக்கப்பட வேண்டும் என்று இராஜாங்க அமைச்சர் தயாசிறி ஜயசேகர தெரிவித்துள்ளார்.

ஊடகங்களுக்கு கருத்து வெளியிட்ட அவர் இதனை கூறியுள்ளார். தொடர்ந்தும் கருத்து வெளியிட்ட அவர்,

“நாட்டைத் திறக்கத் தவறினால் பல தொழிற்துறைகள் கடுமையாக பாதிக்கப்படும். சுகாதார பிரிவுகளின் வேண்டுகோளுக்கு மத்தியில் நாட்டை மூட ஜனாதிபதி முடிவு செய்ததாகவும், இது கடினமான முடிவு என்றும் கூறினார்.

சுகாதார அமைச்சர் பரிந்துரைகளை கருத்தில் கொண்டு அவர்களின் கோரிக்கைகளை புறக்கணிக்க முடியாது. நாளாந்த கோவிட் வழக்குகள் அதிகரித்து வருவதால் சுகாதாரத் துறை ஊழியர்கள் மன அழுத்தத்தில் இருக்கின்றனர்.

எனவே கோவிட் பரவலை கட்டுப்படுத்தும் நோக்கில் தனிமைப்படுத்தப்பட்ட ஊரடங்கு உத்தரவை விதிக்க முடிவு எட்டப்பட்டதாக இராஜாங்க அமைச்சர் தயாசிறி ஜயசேகர கூறியுள்ளார்.

எவ்வாறாயினும், நாட்டை எப்போதும் மூடிவைக்க முடியாது என்றும், இதன் காரணமாக நாட்டின் பொருளாதாரம் பெரிதும் பாதிக்கப்படும் என்று அவர் மேலும் தெரிவித்துள்ளார்.