Kilinochchi NET
Kilinochchi | Kilinochchi net | Kilinochchi news | Vavuniya news | Mannar news | Sri Lanka News | World News | Sports News | Cinema News | Technology News | Education | Entertainment |

கிளிநொச்சி வைத்தியசாலைகள் தொடர்பில் வெளியாகிய அதிர்ச்சி தகவல் : நிரம்பி வழியும் நோயாளர்கள் – நடக்க போவது என்ன?

கிளிநொச்சி 445 பேருக்கு மேல் கொரோனா : நிரம்பியுள்ள மாவட்ட மருத்துவமனைகள்

கிளிநொச்சி கிருஸ்ணபுரத்தில் உள்ள வட மாகாண தொற்றுநோய் மருத்துவமனை மற்றும் பாரதிபுரம் கொரோனா மருத்துவமனை என்பன கொரோனா நோயாளிகளால் நிரம்பியுள்ளதாக மாவட்ட சுகாதார பிரிவினர் தெரிவித்துள்ளனர்.

நாளுக்கு நாள் வடக்கில் அதிகரித்து வருகின்ற தொற்றாளர்களால் இந்நிலைமை ஏற்பட்டுள்ளதாக தெரிவிக்கும் சுகாதார தரப்பினர்கள், எதிர்வரும் நாட்கள் நெருக்கடி மிக்கதாக அமையும் எனவும் தெரிவித்துள்ளனர்.

கிருஸ்ணபுரம் தொற்றுநோய் மருத்துவமனை மற்றும் பாரதிபுரம் கொரோனா மருத்துவமனைகள் முழுவதுமாக நோயாளிகளால் நிரம்பியிருப்பதனால் தற்போது முறுகண்டியில் அமைந்துள்ள கொரோனா மருத்துவமனைக்கு நோயாளர்கள் அனுப்பப்பட்டு வருகின்றனர். அங்கு பெண்கள் மாத்திரமே அனுப்ப முடியும் எனவும் சுகாதார தரப்பு தெரிவித்துள்ளது.

இதேவேளை, கிளிநொச்சி மாவட்டத்தில் நேற்று (03) 68 கொவிட் தொற்றாளர்கள் அடையாளம் காணப்பட்டுள்ளனர் என பிராந்திய தொற்று நோயியலாளர் மருத்துவர் நிமால் அருமைநாதன் தெரிவித்துள்ளார்.

இன்றைய தினம் மாவட்டத்தில் முழங்காவில்,ஜெயபுரம், கரைச்சி, கண்டாவளை என மாவட்டத்தில் பரவலாக தொற்றாளர்கள் அடையாளம் காணப்பட்டுள்ளனர்.

மேலும், கிளிநொச்சி மாவட்டத்தில் கடந்த ஜூலை மாதம் தொடக்கம் இன்று வரையான காலத்தில் 445 பேருக்கு மேல் கொரோனா தொற்றாளர்களாக இனங்காணப்பட்டுள்ளார்.