வவுனியா இராசேந்திரகுளம் ஆடைத்தொழிச்சாலையில் மேலும் 6 நபர்களுக்கு கொரோனா : 10 ஆக தொற்றாளர்கள் அதிகரிப்பு

வவுனியா இராசேந்திரகுளம் ஆடைத்தொழிச்சாலையில் மேலும் 6 நபர்களுக்கு கொரோனா : 10 ஆக தொற்றாளர்கள் அதிகரிப்பு

வவுனியா இராசேந்திரகுளம் கிராம சேவையாளர் பிரிவில் உள்ள ஆடைத்தொழிற்சாலையில் பணியாற்றும் நபர்களுக்கு எழுமாற்றாக மேற்கொண்ட அன்டிஜன் பரிசோதனையில் மேலும் 6 ஊழியர்களுக்கு கொரோனா தொற்று உறுதி செய்யப்பட்டுள்ளது.

கடந்த சில நாட்களுக்கு முன்னர் குறித்த ஆடைத்தொழிற்சாலையில் பணியாற்றும் ஊழியர் ஒருவருக்கு பி.சி.ஆர் பரிசோதனை மேற்கொண்டதில் குறித்த நபருக்கு கொரோனா தொற்று உறுதி செய்யப்பட்டது. அதன் பின்னர் அவருடன் தொடர்புடைய 31 ஊழியர்கள் சுயதனிமைப்படுத்தலுக்கு உட்படுத்தப்பட்டனர்.

இந்நிலையில் எழுமாற்றாக ஆடைத்தொழிற்சாலையில் பணியாற்றும் சில ஊழியர்களுக்கு பி.சி.ஆர் பரிசோதனை மேற்கொண்டதில் மேலும் மூவருக்கு கொரோனா தொற்று நேற்றையதினம் (19.05) உறுதி செய்யப்பட்டது.

அதனையடுத்து இன்றையதினம் (19.05.2021) அங்கு பணியாற்றும் சில ஊழியர்களுக்கு எழுமாற்றாக அண்டிஜன் பரிசோதனை மேற்கொண்ட சமயத்தில் மேலும் 6 கொரோனா தொற்றாளர்கள் அடையாளம் காணப்பட்டதுடன் அவர்கள் உடனடியாக கொரோனா சிகிச்சை மையத்திற்கு மாற்றப்பட்டனர்.

கடந்த சில நாட்களிக்குள் மாத்திரம் இராசேந்திரகுளம் ஆடைத்தொழிச்சாலையில் 10 கொரோனா தொற்றாளர்கள் அடையாளம் காணப்பட்டுள்ளமை குறிப்பிடத்தக்கது.